Құрметті әріптестер!
Ел астанасында жалауын көтергелі отырған Қазатомөнеркәсіптің XXV Спартакиада ойындары баршамыз үшін маңызды оқиға.
Дүбірлі додада өз мекемелерінде үздік деп танылған әріптестеріміз бақтарын сынайды.
Осы жылдар ішінде мыңдаған қызметкерлеріміз Спартакиада ойындарына қатысып, жеңіс тұғырынан көрініп, баршамызға зор қуаныш сыйлады.
Мұндай аламандарға қатысу ұжымды ұйыстырып, жігерімізді жанып, өзара сыйластықты арттыра түсетіні анық.
Біз бұл жолы да дәл сондай тамаша көңіл-күйді бастан өткереміз деп үміттенемін.
XXV Спартакиада ойындарына аттанғалы отырған әрбір қатысушыға жеңіс пен сәттілік тілейміз және әрдайым қолдау білдіреміз.
Құрметпен,
«Қазатомөнеркәсіп» ҰАК» АҚ
басқарма төрағасы
Мейіржан Юсупов